Saturday, October 05, 2002

Dansleikur og stuð
Í kvöld klukkan 01:00 - 05:00 verður stórdansleikur á Kaffi Reykjavík. Þar munu Millarnir leika fyrir dansi OG stórsöngvarinn og góðvinur minn Ragnar Bjarnason eða Raggi Bjarna mun syngja með þeim. Einhver Bjarni Ara verður líka hhmmmmm :/. Ragnar Bjarnason er fæddur í Reykjavík þann 22.september árið 1934. Ungur fór hann að hafa áhuga á tónlist og árið 1954 kom hann fyrst fram og hefur verið í sviðsljósinu síðan. Sko kallinn, okkar maður stendur fyrir sínu :). Ég vonast til að sjá ykkur í kvöld, þið sem lesið þetta, það verður geggjað stuð sko. Raggi bregst ekki frekar en fyrri daginn. Sjáumst, í banadjassstuði.



,,Hafið lokkar og laðar"
Söng Ragnar Bjarnason árið 1960. Í kvikmyndahúsum vítt og breitt um landið er verið að sína kvikmyndina Hafið. Þessi kvikmynd er í einu orði sagt stórkostleg. Þið sem ekki eruð búin að sjá hana, farið á hana strax. Þið sem eruð búin að sjá hana, farið á hana aftur og hana nú. Ég hef séð þessa mynd 2sinnum. Að mínu mati er þetta (ásamt Englum Alheimsins) besta íslenska myndin. Gunnar Eyjólfsson er stórkostlegur sem gamall og þrjóskur kvótakóngur . Ég mæli hiklaust með þessari mynd. SJÁÐU HANA-----NÚNA.



Thursday, October 03, 2002

Verð bara að segja það..........
Ég er alveg gáttaður yfir þessu letri á þessari síðu. Ég er í vinnunni og get ekki lesið þetta, ekki í einni einustu tölvu. Vinsamleg tilmæli til Jónasar vinar míns að BREYTA þessu hið fyrsta. Takk fyrir.
Villa
Nokkuð er um stafsetningarvillur í textanum hér að neðan og biðst ég afsökunar á því, hvað er t.d. skroggur? Og ég að verða kennari, ja sussum sei.
,,Þar sem tveir regndropar koma saman, þar er rigning"
Davíð Oddsson hélt stefnuræðu sína í gærkvöldi. Ég fylgdist að sjálfsögðu með því .Davíð var hvass að vanda og lét stjórnarandstöðuna heyra það enda eru þetta óttalegir vindhanar í stjórnarandstöðunni. Ræðan var góð og Davíð mjög öruggur. það hreinlega geislaði af okkar manni. Hann tíundaði hversu vel hefur tekist til síðustu 4ár. Kaupmáttur hefur aukist, laun hafa hækkað, atvinnuleysi hefur minnkað og svona mætti lengi telja. Össur Skarphéðinsson talaðir og malaði og talaði, það er merkilegt hvað maður nennir einfaldlega ekki að hlusta á hann. Hann sagði að í vor væru menn að kjósa á milli Sjálfstæðisflokksin og Samfylkingarinnar. Þetta kom mér ákaflega spánskt fyrir sjónir því að það vita það allir að stefna Samfylkingarinnar er götóttari en gatasigti. Það stendur ekki steinn yfir steini. Vill Samfylkingin í ESB eða ekki? Tja, menn innan fylkingarinnar greinir á. Ég get ekki betur séð að Samfylkingin sé hlynnt stóriðju, bíddu var að ekki Össur sem sagðir að D - listi og S-listi væru ósammála í öllum stærstu málaflokkunum?Svona gerast nú kaupin á eyrinni. Steingrímur lét eins og það væri bylting á næsta leyti, svo mikið var honum niðri fyrir. Steingrímur má eiga það að hann er góður ræðumaður og ég hafði gaman af því að hlusta á hann. Hann er verðugur andstæðingur í pólitík, það ekki hægt að segja það um Össur og hans flokk. Steingrímur lét menn heyra það og var ekkert að skafa utan af því. Sverrir Hermannsson var gamall að vanda og lítið kom frá þeim útbrunna stjórnmálamanni. Því miður. En stjarna kvöldsins var Guðni vinur minn Ágústsson. Hann fór á kostum í ræðustól. Bæði var ræðan innihaldsrík sem hún var helv.... skemmtileg. Guðni er frábær pólitíkus og tíundaði hversu vel hefur gengið hjá D - lista og B - lista síðustu 4 ár. Talaði að vísu ekki um síðustu 8 ár en það er sama.Það er ekki laust við að það sé komið eggjahljóð í skrogginn á B - lista og D - lista. Þeir vilja í eina sæng eftir næstu kosningar og það er bara hið besta mál. Framundan er skemmtilegur kosningavetur og ég hlakka til að taka þátt í því.
Það rigndi mikið í gær þegar rætt var um stefnuræðuna en eins og Guðni orðaði það: ,,Þar sem tveir regndropar koma saman, þar er rigning" (maðurinn er snillingur).
Lifið heil.


Wednesday, October 02, 2002

Ég og bekkurinn

Hérna er myndin sem ég ætlaði að setja inn af því þegar bekkurinn hélt svona amerískt surpise.

President

Í gækvöldi var fréttaskýringaþátturinn 60 mínútur 2 á stöð 2 (já ég leyfi mér að vera með stöð 2 á kennaralaunum, ekki gera grín að því). Þessi þáttur fjallaði um The President story í kringum 11.septmber. Bush kallinn var í drottningarviðtali í 60 mínútum. Hann felldi tár, já sko kallinn. Hann er að standa sig (að mínu mati). Ég hafði vissar efasemdir til að byrja með en ég er sannfærður um hans ágæti. Ég þarf að rífast um þetta við hann jóhann við tækifæri, hef lítinn tíma núna, eins og ég hef sagt, kennarar hafa engin laun en vinna gífurlega mikið.
Lifið heil.

Þarna eru þeir, kapparnir Bush og Rumsfeld.................


Hærri laun
Ótrúlegt hvað kennarar eru á lágum launum, þetta er til skammar sko. Vinnutíminn er mjög langur og ég er hreinlega að drukkna. Hærri laun fyrir kennara takk fyrir, þetta gengur sko ekki, haaaaaaaaaa.

Mynd af skólanum sem ég er að kenna í :)

Tuesday, October 01, 2002

Johnny Money
Jónas vinur minn og félagi sagðist ætla að breyta letrinu á blogginu hans ef ég byrjaði að blogga, nú er ég byrjaður þannig að nú skalt þú standa við þitt. Það er ekki hægt að lesa það sem stendur þarna.
Einn pínu reiður.
Ritdeilur
Ég og hann Jóhann Fisk erum byrjaðir. Ritdeilur okkar eiga eftir að hefja sig á loft, erum enn í startholunum. Gott mál.

Monday, September 30, 2002

Segir sig sjálft
,,We are engaged in a deliberate and civil and thorough discussion. We are moving toward a strong resolution. And all of us, and many others in Congress, are united in our determination to confront an urgent threat to America. And by passing this resolution we'll send a clear message to the world and to the Iraqi regime: the demands of the U.N. Security Council must be followed. The Iraqi dictator must be disarmed. These requirements will be met, or they will be enforced.
The danger to our country is grave. The danger to our country is growing. The Iraqi regime possesses biological and chemical weapons. The Iraqi regime is building the facilities necessary to make more biological and chemical weapons. And according to the British government, the Iraqi regime could launch a biological or chemical attack in as little as 45 minutes after the order were given".(George W.Bush)
Get ekki hætt
Ætli maður geti orðið háður blogginu? Ég hugsa það. Nóg um það. Í gærkvöldi fór ég ásamt kærustunni minni (henni Önnu Sigríði) að ná í flatböku á Dominos (ég er hrifnari af Hróa en ég leyfði Önnu að ráða). Við höfum nú farið á nokkra Dominos staði og það mætti halda að Dominosveldið búi til litlar Dominosstelpur því stelpurnar eru yfirleitt allar eins, þ.e.a.s. lágvaxnar, ljóshærðar og grannar. Það ætti einhver að athuga þetta. (vona að ég ég særi ekki neinn með þessum hugleiðingum mínum). Er búinn að vinna frá mér allt vit í dag, hugsa að ég fari að hætta þessu enda er hún Anna mín að sækja mig í vinnuna, kominn tími til að halda heim á leið í Eggertsgötuna. Er á stúdentagörðunum þar. Nú ef þið viljið heimsækja mig þá komið að Eggertsgötu 4, íbúð 153. Og síminn er 5904121 og 8973499. Má maður kannski ekki gefa það upp á netinu?Jújú, segjum það bara.
Well well well
Þá ætti þetta að vera komið hjá mér allt saman, það vona ég allavega. Smá byrjendaörðugleikar eru nú í lagi, er það ekki. Nú er ég búinn að vera sveittur að fara yfir verkefnin hjá 7.V.Þau voru í stæ.könnun í morgun og kom þetta ágætlega út hjá þeim. Það er ekki laust við að ég sé stoltur af krökkunum ,,mínum".
meira vesenið
Þegar maður ætlar að reyna að vera klár á þessar bévítans tölvur þá gengur ekkert. Nú get ég ekki bætt inn fleiri vinum eða bætt inn í áhugmáladálkinn. Verð að fá hann Jóhann vin minn og flokksbróðir (nei bíddu, kannski ekki alveg flokksbróðir en samt......hann mun snúast) til að segja mér hvað ég á að gera svo ég geti nú sett Jónas, Ásu, Arnljót, Húgó, Gumma og fleiri þarna inn. Svo þarf náttúrulega að fylla á "hobbýin".
Bið að heilsa í bili.

Jæja, eitthvað er ég ekki alveg að kunna á þessar myndir en þessi mynd er HUGE. Jæja það verður bara að hafa það. Þessi mynd átti að sýna ykkur hvað þetta eru æðislegir krakkar. Á afmælinu mínu (10.september) komu þau mér á óvart og skreyttu stofuna og höfðu bandarískt suprise. Þau gáfu mér Elvis í bílinn og allt. Það var veisla og alles, já þessari krakkar kunna sko að snapa sér frí.
í skólanum er gaman,það leika allir saman :)
Jæja, eins og margir vita er ég í kennaranámi við Háskólann á Akureyri. Ég er búinn með 2 vetur en núna í vetur ákvað ég að fara suður yfir heiðar (ekki þó Heiðar snyrti) og taka að mér kennslu við Álftanesskóla. Í þeim ágæta skóla er ég umsjónarkennari hjá 7.bekkV. Mjög fínt og við krakkarnir orðnir góðir vinir.Plúsinn við kennarastarfið er fjölbreytnin, engin dagur er eins. Ég mun klára kennaranámið mitt vorið 2004.
Mættur á svæðið
Jóhann Þórsson vinur minn og félagi hefur búið til þetta fína blogg og kann ég honum bestu þakkir fyrir. Það er svo langt síðan að ég hef bloggað að ég er búinn að gleyma því hvernig á að setja mynd og allt. Hann Jóhann hjálpar mér nú með það. Allavega, I´m back.

Sunday, September 29, 2002

Góðan daginn Valdi

(Jóhann Þórsson skrifar)
Þetta blogg er nú alveg að verða tilbúið. Ég var í svoldin tíma að ákveða hvernig þetta átti að líta út, og reynda að láta bloggið þitt líkjast mínu. Það gekk bara þrusuvel.
Ég vona bara að ritdeilur okkar geti hafist á ný af fullum krafti.
Þarf að prófa svoldið
Þ
e
t
t
a

e
r

p
r
ó
f
Þetta er allt að koma

Jájá, lookið svoldið stolið, en það er í lagi.
Aftur

Ég geri aðra tilraun til valdabloggs