Gagn og gaman

2002-12-16T13:24:00.000Z

Svona var þetta, kveð að sinni. Bloggferill minn hefur runnið sitt skeið á enda

2002-12-15T17:50:00.000Z

Jólalög
Desember er tími jólanna eins og allir vita og jólunum fylgja jólalög. Þau eru misgóð en ég á mér uppáhaldsjólalög sem ég ætla að láta flakka hér. En fylgifiskur ,,uppáhaldslista" er ,,leiðinlegilistinn" og læt ég hann einnig fylgja með.
Í uppáhaldi
1. Oss barn er fætt. Sungið af Ragga Bjarna. Afskaplega hátíðlegt og fallegt lag.
2. Er líða fer að jólum. Sungið af Ragga Bjarna. Klassískt lag sem kemur manni í rétta jólagírinn í öllu stressinu.
3. Let it Snow. Sungið af Dean Martin. Hresst og skemmtilegt lag.
4. White Christmas. Sungið af Bing Crosby. Lagið er einfaldlega JÓLIN.
5. Er ég kem heim á Syðra Hól. Sungið af HLH flokknum. Mjög fyndið og öðruvísi jólalag.
Leiðinleg lög
1. Jólahjól. Sungið af Sniglabandinu. Með eindæmum leiðinlegt og vitlaust jólalag.
2. Nú skal segja. Sungið af ýmsum. Einhvern veginn skil ég ekki hvers vegna þetta er jólalag.
3. Litla jólabarn. Sungið af Andreu Gylfa. Þessi útsetning á þessu flotta lagi skemmir lagið alveg.
4. Strumpajól. Sungið af strumpum. Hvað er jólalegt við strumpa? Því eru þeir að syngja jólalög? Fnuss.
5. Sleðaferð. Sungið af Skapta Ólafs. Átti að vera comeback fyrir Skapta en því miður tókst það ekki.

2002-12-15T14:00:00.000Z

Fróðleikur á sunnudegi
Vissu þið...............
.........að það þarf 17 tonn af pappír til að prenta sunnudagsmoggann?
.........að ,,White Christmas" með Bing Crosby er mest keypta og spilaða jólalag allra tíma?
.........að Dean Martin lést 27.desember árið 1995?
.........að framleiðendur James Bond reiða sig nær eingöngu á auglýsingar?
.........að Eiríkur Rauði fann Grænland eingöngu vegna þess að hann var útlægur af Íslandi?
.........að við syngjum ,,Jólasveinar ganga um gólf" vitlaust?
.........að Jón Baldvin kallaði pabba sinn alltaf Hannibal?
.........að ég er frændi Jóns Baldvins?

2002-12-15T13:55:00.000Z

Grannafréttir
Það er allt að gerast í Grönnum þessa dagana. Eins og vanalega á sunnudögum mun ég segja nýjustu fréttir af Grönnunum okkar í Ástralíu (the land down under). Paul er sennilega að hætta í þáttunum en honum hefur verið boðið að leika með fótboltaliði sem kallast Adeileine Crows og það var svaka kveðjupartý fyrir hann. Kannski er hann bara farinn í frí og kemur aftur, við vonum það allavega. Steph er voða hrifinn af Mitch en Lyn (mamma Steph) er nú ekki allt of hrifinn af því. Lyn las Mitch pistilinn og allt varð vitlaust. Lou reynir að ná Louise dóttur sinni til baka en það bara tekst ekki. Hann tapaði málinu í annað skiptið og nú ætlar kynfaðir Louise að flytja út í sveit og þá er Lou í vondum málum. Joel játaði ást sína á Dee og það er viss togstreita sem fylgir því. Toad er í vandræðum í vinnunni og er á milli steins og sleggju. Ritarinn hans Karls er alltaf að reyna við hann og Susan er ekki ánægð með það. Harold er að reyna að fá nafni götunnar breytt aftur í Ramsey st, en nú heitir það Ramsbotton St. Sem sagt: ALLT AÐ GERAST Í NEIGHBOURS.

2002-12-14T17:30:00.000Z

The King
Til landsins er komin Norðmaður sem kallar sig Kjell Elvis. Það sem hann gerir er að fara út um allan heim og skemmta, ekki þannig að hann sé bara að syngja lög sem kóngurinn gerði ódauðleg heldur er hann einfaldlega að reyna að vera HANN. Þetta finnst mér afskaplega sérkennilegt. Ég veit vel að þúsundir manna eru svokallaðar Elvis eftirhermur en vekur það ekki upp spurningar um geðheilsu þessara manna og kvenna, eða hvað?Ekki ætla ég að dæma um það hér. Ég er Elvisaðdáandi og fer ekki leynt með það. Ég hef gaman þegar aðrir söngvarar taka lög sem Elvis söng og útfæra þau en ég set spurningarmerki við það þegar þessar eftirhermur gera það. Mér finnst það að herma eftir einhverjum ekki vera til þess fallið að halda uppi heiðri listamannsins. Ég sá auglýst í sumar að Broadway ætlaði að vera með sýningu um Elvis. Ég hlakkaði til enda hélt ég að íslenskir söngvarar myndu flytja Elvislög, hver með sínu nefi, en nei, síðan kom það á daginn að hér er á ferð eftirherma. Elviseftirherma. Þá snarminnkaði áhuginn. Þessi Kjell Elvis nær Elvis svo sem ágætlega en við verðum að hafa það hugfast að það er bara EINN kóngur, sá heiti Elvis Aaron Presley. Ég þarf ekki að sjá einhvern norðmann reyna að vera Elvis og auglýsir sig þannig að hér sé Elvis komin. Ein auglýsing hljómaði svona: ,,Misstir þú af Elvis þegar hann var og hét, ekki örvænta því nú færðu að berja goðið augum, Elvis á Broadway".Ekki alveg að gera sig finnst mér. Kóngurinn lifir áfram í gegnum lögin sem hann gerði ódauðleg. Elvis has left the building.

2002-12-14T17:04:00.000Z

Litlu jólin
Á föstudaginn held ég litlu jólin með bekknum mínum. Ég man þegar ég var í grunnskóla þá var alltaf svo gaman á litlu jólum, allir svo fínir og með pakka og smákökur og kerti og gos og allt. Nú er ég ekki í því hlutverki, nú er ég í því hlutverki að sjá til þess að þessi litlu jól takist vel, ég verð að finna jólasögu og sollis. Er einhver með hugmynd að fallegri jólasögu?

2002-12-14T17:02:00.000Z

Ótrúlegt
Í þessu bloggfríi mínu las ég ekki blogg annarra. Nú er ég að skoða gamlar færslur og so on. Það sem vakti athygli mína var það sem þessi blessaða Beta sagði um Munda vin minn og félaga úr MA. Ég varð í raun orðlaus og ætla ekki að eyða púðri í það hér. Svona gjörðir lýsa sennilega best innræti þess sem skrifar.

2002-12-14T16:59:00.000Z

Well
Ég hef ekki bloggað mjög lengi sem er skiljanlegt sko. Anna mín var að klára prófin og við vorum að jólast saman, en nú er hún farin norður og ég er einn eftir í borg óttans, það er ekkert spes sko. En ég fer norður eftir viku og þá verður gaman, það er svo gaman þegar allir eru saman eða eitthvað svoleiðis. Annars er ég og Anna búinn að kaupa flest allar jólagjafirnar og farin að skrifa á jólakortin og ég veit ekki hvað og hvað. Ég fór fínt jólaskap þegar Anna var hérna en ég er ekki í neinu jólaskapi núna, snökt en það þýðir ekki að örvænta, ég fer fljótlega norður.

2002-12-10T16:25:00.000Z

Það er ekki laust við.....
.......að ég sé komin í smá jólaskap enda búið að vera skreyta stofuna í dag og fleira. Einnig er Anna alveg að verða búin í prófum og þá getum við farið að jólast smá í jólagjöfum og skemmtilegheitum. Hún er í prófi núna og það er vonandi að það gengur vel. Ég fór með Elvis jóladisk í skólann og það vakti alveg lukku, ég fór líka með íslenskan jóladisk svona til að gæta fyllsta hlutleysis..........

2002-12-09T21:29:00.000Z

Hvar er Jónas????
Jónas pilot er nánast hættur að láta í sér heyra á blogginu og það náttúrulega gengur ekki, hvar ertu félagi????????

2002-12-09T17:20:00.000Z

Anna og sálfræði
Hún Anna mín er að stressast upp enda 5 eininga klínupróf á morgun. Ég er sannfærður um að hún muni standa sig vel enda á hún auðvelt með að taka próf og tekur frábær próf. Prófið er á morgun í Eirbergi (er það ekki hjá sjúkrahúsinu?), hún var ekki viss og ég held að það sé þar, en ef ekki þá megi þið endilega segja mér hvar Eirberg er?

2002-12-09T17:18:00.000Z

Guðrún Birna
Guðrún Birna er drengur góður en sagt hefði verið í Íslendingasögunum. Guðrún er kærasta Gumma (stórvinar míns) að norðan. Saman eiga þau son sem ég ætti að hafa séð mun oftar en hef ekki gert og skammast ég mín fyrir heimsóknarleysi mitt. En ég hef mjög gaman af því að lesa bloggið hennar Guðrúnar (líka hans Gumma en tala um það seinna). Það er svo einlægt og vel skrifað. Hún horfir á Nágranna eins og ég og það er fátítt í bloggheiminum, go Neighbours. En ég rak augun í það að þau hafa sagt upp áskriftinni að Stöð 2, það var leitt að heyra en ég get tekið upp Neighbours á sunnudögum og látið þig fá ef þú vilt. Þá kannski geri ég mér ferð þessa 5 metra og lít við, Gummi skammaði mig nú um daginn fyrir þetta, þetta er út í hött. Allavega, haltu áfram á þessari braut bloggsins.

2002-12-09T17:01:00.000Z

Einkennilegt......
........hvað það eru margir sem þurfa að vera að rífast og kíta hér á blogginu (nefni engin nöfn). Ég sjálfur nenni ekki að standa í því, en aftur á móti hef ég mjög gaman af skoðanaskiptum og rökræðum. Ég varpaði t.a.m. fram skoðun minni á ofbeldi í tölvuleikjum og fékk fín ,,komment" og ekkert annað en gott um það að segja. Vinir mínir og bloggvinir settu fram sína skoðun og allt gert í góðu en svo hef ég verið að skoða bloggsíður þar sem beinlínis er um skítkast og leiðindi að ræða, það er ekki málefnanlegt. Skora ég því á bloggheiminn að vera málefnalegur í umræðum.

2002-12-09T15:22:00.000Z

Hangikjöt
Amma í Grafarvogi bauð mér og Önnu og Nonna bróðir í hangikjöt í kvöld, namm, hlakka til. Verst að Anna mín getur ekki komið þar sem hún er að fara í próf á morgun. Gangi þér vel Anna mín, þú tekur klínuna í nefið.

2002-12-09T15:21:00.000Z

Jákvæð viðbrögð
Foreldrar eru almennt ánægðir með það að ég hringi heim til að tala um það jákvæða. Voða gaman að þessu og skemmtilegt að ræða við foreldra.

2002-12-09T13:15:00.000Z

Takk
Ég er ánægður með þau skoðanaskipti sem átt hafa sér stað í sambandi við ofbeldi í tölvuleikjum. Takk Geiri, Valla, Jói og fleiri. Geira verður tíðrætt um vídeó og fréttatíma, munurinn er samt sá að það er ekki vanabindandi að horfa á það. Geiri veit það jafnvel og ég að tölvuleikir hafa ótrúlegt aðdráttarafl sem börn sogast inní. Þessir tölvuleikir verða raunverulegri og raunverulegri og þar er hættan. GTA gengur þvert á allt sem við getum kallað siðareglur og það er hættulegt því börn eru svo móttækileg fyrir svona á þessum aldri.

2002-12-08T23:47:00.000Z

Ofbeldi í tölvuleikjum
Það er ekki laust við að maður skammist sín fyrir að hafa haft gaman af því að spila tölvuleik sem kallast Grand Theft Auto. Nú er ég að kenna ungum krökkum og margir spila þennan leik. Þessi leikur brýtur gegn öllu sem kallast getur siðmenning. Þessi leikur eða leikir ganga út á það að stela, drepa, berja o.s.frv. Þetta er ekki leikur þar sem það er eitthvað stríð í gangi, ó nei, þú lemur næsta mann og skýtur hann ef þið langar til. Það er athyglivert að lesa greinar erlendra fræðimanna sem gagnrýna svona, hægt er að lesa grein í Mogganum í dag sem einmitt fjallar um þennan tiltekna leik. Ég er á því að það á að banna þennan leik, ekki spurning. Þessi leikur stríðir gegn öllu velsæmi. Eins og ég sagði hafði ég gaman að þessum viðbjóð og þykir mér það miður. Ég er á því að á sumum stöðum þurfum við að draga mörkin. Í USA er leikurinn bannaður fyrir 18 ára og yngri en ég bara spyr, er ekki playstation markaður mest megnis að höfða til krakka sem eru ekki orðnir 18 ára? Allavega er markaðsetningin þannig hér á landi. Ég er ekki að gagnrýna þá sem hafa gaman af þessum viðbjóð, eingöngu að mælast til að þessi leikur og fleiri svona leikir verði einfaldlega bannaðir. Við komust vel af án þess að fara í tölvuleik sem gengur út á það að drepa og stela saklaust fólk. Þar verðum við að draga mörkin. Grand Theft Auto er siðlaus leikur.

2002-12-08T23:41:00.000Z

Auglýsingar
Nú hellast yfir okkur auglýsingar sem aldrei fyrr enda eru jólin tími kaupmanna. Allt snýst nú um að kaupa og kaupa, geðveikin í okkur Íslendingum er slík að við hikum ekki við að valta yfir náungann til að geta keypt og keypt. En það var ekki það sem ég ætlaði að tala um. Auglýsingar eru misgóðar, sumar afleitar en aðrar frábærar. Uppáhalds ,,venjulega" auglýsingin mín er frá Sjóvá þar sem einhver gæi er að ganga um og það rignir froskum og kýr og píanó falla til jarðar. Það er vönduð og upplífgandi auglýsing. Uppáhalds ,,jólaauglýsingin" mín er þegar jólasveinninn er á leið á sleðanum sínum með gjafir handa krökkunum en snýr við og eltir flutningabíl sem er fullur af Tuborg bjór. Ekki beint jólalegt en mjög fyndið samt sem áður........

2002-12-08T16:47:00.000Z

Nýjustu grannafréttirnar
Í dag er Nágrannadagur á stöð 2 en þá eru sýndir 5 þættir í 2 hours of Neighbours, bara snilld. En það er allt að gerast í Grönnum. Steph er að deita nýjan náunga sem er ekki allur þar sem hann er séður, Lou er að berjast til að fá aftur forræði yfir dóttur sinni en eins og þið vitið þá komst hann að því eftir 6 ár að hann er ekki kynfaðir hennar, það er búið að breyta götunafninu frá Ramsay Street í Ramsbottom Street og Grannarnir okkar eru ekki sáttir, nýji ritarinn hans Karls er skotinn í honum en hann á konu........................ALLT AÐ GERAST..........

2002-12-08T16:44:00.000Z

Atvinnulaus
Á föstudaginn fór ég með bekkinn minn í heimsókn í Morgunblaðið. Ég þurfti að passa 20 12 ára krakka og það gekk bara svona líka vel. Við fengum að skoða húsnæðið og prentvélarnar og allt, fengum meira að segja nammi :). Yfirmaður áskrfitardeildar leiddi okkur um allt. Í lokin fórum við svo í lítin fyrirlestrarsal og þá var spurningartími. Krakkarnir voru mjög áhugasamir og maðurinn sagði að ef þeim vantaði vinnu í framtíðinni ættu þau að prófa að sækja um hjá Morgunblaðinu. Þá heyrðist í einum ungum pilti: ,,Já, ég er nú búinn að vera atvinnulaus í 12 ár, það vill bara engin ráða mig".

2002-12-08T14:45:00.000Z

Fróðleikur á sunnudegi
Vissu þið.......
.........að Ellý Vilhjálms var gift Svavari Gest (SG - hljómplötur)?
.........að James Dean var aðeins 24 ára þegar hann dó?
.........að Buddy Holly dó í flugslysi?
.........að einveldi Danakonungs stóð í 187 ár?
.........að það kostar 500.000 krónur að kaupa heilsíðuauglýsingu í Morgunblaðinu?
.........að Ronald Reagan og Frank Sinatra voru vinir?

2002-12-08T14:40:00.000Z

Þynnka
Atli stórvinur minn kom í heimsókn í gærkvöldi og við fengum okkur nokkra bjóra af sjómannasið. Því er maður hálf þunnur í dag en það er bara gott á mig, haaa

2002-12-07T15:28:00.000Z

Hjálpsemi
Anna, mín heittelskaða, er á 3.ári í sálfræði og gengur frábærlega hjá henni. Í einu námskeiðinu átti hún að gera rannsókn. Hún ákvað að taka fyrir hugtakið hjálpsemi. Rannsóknin fór fram í húsnæði Háskólans á Akureyri og í húsnæði Háskóla Íslands. Anna útbjó umslög með áletrun einhverrar skrifsofu innan háskólanna. Bréfin voru ýmist merkt með ,,ÁRÍÐANDI" (með rauðu letri efst í hornið) eða bara merkt án ,,áríðandi". Anna fór í spæjaraleik og dreifði bréfum en passaði sig þó á því að dreifa ekki bréfum þar sem möguleiki var á því að sami einstaklingur gæti séð fleiri en eitt bréf. Anna talaði við viðkomandi skrifstofur um að halda bréfunum sem skilað var til haga. Til að gera langa sögu stutta var áberandi meiri skil í HA. Nemendur og starfsfólk HA tóku bréfin og fóru með þau á viðkomandi skrifstofu. Það var líka gert við HÍ en í mun minna mæli. Nemendur HA skila sko sínu en afskiptaleysi sunnanmanna er áhyggjuefni. Lifið heil.........

2002-12-07T15:10:00.000Z

helv....tölva
Það er eitthvað vesen með heimilistölvuna. Ekki verður mikið um blogg næstu daga en að er vonandi að þetta komist í lag. Get þó bloggað í vinnunni.

2002-12-07T15:09:00.000Z

Í kvöld
Ætla ég að hitta stórvin minn hann Atla Hafþórs. Hann er komin í borg óttans og munum við félagarnir líta í einn öl eða 8.

2002-12-07T15:08:00.000Z

Þrif
Í morgun tók ég mig til og þreif íbúðina hátt og lágt. Það tók mig rúman klukkutíma og var ég nokkuð sáttur við árangurinn. En það er nú þannig hjá mörgum Íslendingum að þeir halda að þeir muni halda jólin inni í skáp eða undir skáp. Fyrir jólin er öllu tjaldað til og öllu hent út úr skápum og þeir þrifnir, skápar teknir af sínum stað til að þrífa undir þeim o.s.frv, en til hvers? Ættingjar sem koma í heimsókn lyfta ekki undir skápinn og kíkja undir hann, eða hvað? Þetta jólastúss gengur oft á tíðum út í allt of miklar öfgar, hingað og ekki lengra og það á að þrífa þar sem sést.

2002-12-06T19:45:00.000Z

Gaman að þessu
Þegar ég tók þá ákvörðun að gerast bloggari gerði ég mér enga grein fyrir umfangi þessa heims. En allur þessi risastóri netheimur kom mér skemmtilega á óvart. Ég er tiltölulega nýr bloggari en hef gaman af þeim viðbrögðum sem ég fæ, bæði frá vinum og kunningjum sem og frá einstaklingum sem ég þekki ekki neitt. Þessi náungi ,,kommentar" oft á ,,kommentakerfið" og þykir mér vænt um það. Ég hef gaman af því að lesa bloggið hans og því tek ég þá ákvörðun að ,,linka" á hann þó ég þekki hann ekki. Þessi bloggari kallar sig orminn.

2002-12-06T19:30:00.000Z

Farðu að reikna
Ég hef áður farið fögrum orðum um Guðna Ágústsson vin minn hér á blogginu. Enn ætla ég að dásama þennan frábæra stjórnmálamann og húmorista. Í dag var Ágúst samfylkingarháskólaprófessor eitthvað að bauna á Guðna á þinginu. Guðni svaraði fyrir sig af sinni alkunnu röggsemi og rak síðan Ágúst upp í Háskóla að reikna. Sögur segja að Ágúst hafi látið sig hverfa.......

2002-12-06T17:27:00.000Z

Karlremba
Hvað er það? Er eitthvað til sem heitir karlremba í dag? Íslenskir karlmenn eru í tilvistarkreppu, vita ekki í hvorn fótinn þeir eiga að stíga. Kvenmenn vilja hafa karlmenn svona og svona, stundum að gráta og stundum að vera jaxlar, það er engin millivegur. Síðustu áratugi hafa konur verið svo uppteknar að fara út á vinnumarkaðinn og valta yfir karlmenn að við erum eftir í kuldanum. Við látum vaða yfir okkur. Ég er ekki að segja það að það hafi verið slæmt þegar konur fóru út á vinnumarkaðinn, þvert á móti var það mjög gott. Konur eru gjaldgengar í flest þau störf sem karlar hafa ,,venjulega" starfað við. En um leið og þessi byglgja fór af stað sem ekki sér fyrir endan á er traðkað á hinum íslenska karlmanni á skítugum skónum. Auðvitað eiga þeir sem vinna sömu vinnu að fá sömu laun, annað er misrétti en þegar svoleiðis misrétti á sér stað er öll karlþjóðin stimpluð sem karlrembur. Það nær bara ekki nokkurri átt. Svo er einkennilegt að þegar konur og karlar sækja um starf og konan er ráðin þá fer engin karlmaður í mál og kærir það, ó nei, en þegar karlinn er ráðinn þá fara konurnar í mál því þær hafa verið beittar misrétti, come on. Eitt fáránlegasta dæmi sem ég veit um var þegar 12 sóttu um að fá inngöngu í slökkviliðið, þar af var ein kona. Það var EIN laus staða. 11 einstaklingar þurftu að bíta í það súra epli að fá ekki inngöngu í slökkvilið RVK. Inntökuprófið byggðist á líkamlegum þætti og bóklegum. Til að gera langa sögu stutta þá fékk karlmaður inngöngu, 10 karlmenn þurftu að fara heim og þessi eina kona. Þessi kona ákvað að hér væri klárlega misrétti og brot á jafnréttislögum, hún fór með málið í blöðin og fjölmiðlar gerðu mat úr þessum fíflagangi. En þetta brann fljótt út og ekki veit ég hvað þessi kona er að gera í dag.
Áðan sagði ég að konur væru gjaldgengar í FLEST þau störf sem venjulega hafa verið kallað karlastörf. Ég er ekki á því að hvaða kona sem er geti verið á sjó. Það er eins með karlana svo sem, það er ekki hver sem er sem getur verið á sjó. Eins er það með íþróttafréttamenn sem lýsa kappleikjum, ég er á því að það sé sniðið á karlmenn. Auðvitað gætu konur sem hafa brennandi áhuga sinnt þessum lýsingum en ég hef ekki heyrt það enn.
En ég er ekki karlremba enda er ég ekki á því að þetta hugtak hafi einhverja merkingu í dag. Þetta hugtak er dautt og ef við karlmenn förum ekki að taka okkur á, þá mun karlmennskan deyja út.
Lifið heil

2002-12-06T17:00:00.000Z

Mikið er gott.....
.....að vera komin í helgarfrí. Það er róleg helgi framundan hjá mér. Þarf að vísu að vinna smá en annars eru það rólegheitin sem ráða ríkjum. Anna mín er að læra og læra. Við ætlum samt að gefa okkur tíma og sjá Bondinn í bíó í kvöld.

2002-12-06T13:31:00.000Z

Það er einkennilegt........
..........að þegar maður hringir í foreldra þá búast þau við hinu versta. Þau eru með öndina í hálsinum ef kennari hringir heim. Þessu vil ég breyta og er farinn að hringja reglulega í foreldra og hrósa börnum, segja jákvæðu punktana og segja frá framförum. Það er nauðsynlegt að gera það, ekki sí og æ að horfa á það neikvæða. Lifið heil.

2002-12-05T23:24:00.000Z

James Dean
Á vídeóleigum bæjarins er að finna nýja mynd sem er byggð á ævi James Dean. Það fer ekki mikið fyrir þessari mynd, hún felur sig á milli Spidermans og Men In Black 2 en hér er á ferðinni gæðamynd sem óhætt er að mæla með fyrir vandláta. James Dean var merkilegur persónuleiki sem endurspeglast frábærlega í þessari mynd. Aðalleikari myndarinnar er skuggalega líkur Dean. Ef þú tekur sjaldan mynd en gerir það þó annað slagið, taktu þá eftir kvikmyndinni ,,James Dean" á þinni leigu.

2002-12-05T20:57:00.000Z

Atli eðalsjóari.....
.....er byrjaður að blogga. Kíkið á síðuna hans. Ég fagna komu Atla Hafþórs á bloggið.

2002-12-05T19:13:00.000Z

Oft býr mikið vit í litlum búk
Æska þessa lands er ekki í þeirri hættu sem margir vilja meina að hún sé í. Börn eru yndisleg og svo margt gott sem þau eru að gera. Ég kenni nemendum í 5. og 7. bekk og umgengst allt þar á milli. Það eru framtíðar stjórnmálamenn, leikarar, kennarar, sjómenn, tölvufræðingar, rithöfundar, framkvæmdarstjórar, öskukarlar, fóstrur, skólastjórar, fyrirsætur, flugmenn, flugfreyjur, þjónar, bakarar, ritarar o.s.frv. í þessum hóp. Börn hafa svo mikið að segja og hafa svo skemmtilega sýn á lífið, það eru við fullorðna fólkið sem erum að spilla þessum litlu hugsuðum með tölvum, vídeó, nammi og allt það sem börn vilja fá. Af hverju vilja börnin þetta? Af hverju vilja þau ekki lesa eða vera í leiklist? Þau fá allt upp í hendurnar, áreitið frá umhverfinu er það mikið að börnin gleymast. Mamma og pabbi þurfa að vinna svo mikið að það er keypt leikjatölva til að hafa ofan af fyrir börnunum, fussum svei. Ég verð ekki ánægður fyrr en foreldrar setji strangar reglur með þessar tölvur sem eru að tröllríða æsku þessa lands.
Oft vill það verða þannig að börnum leiðist í skólanum og metnaðarleysi gerir vart við sig. Hvað getum við þá gert? Ég hef ekki svör á reiðum höndum en ég er að stefna að því að börnum finnist gaman að koma í skólann og læra og tala saman. Í dag vorum við að vinna með hugtök eins og snyrtimennsku, heilsu, kurteisi, hamingju og tillitsemi. Nemendum var skipt í hópa og áttu þau að túlka þessi hugtök leikrænt án orða. Það gekk frábærlega. Börnin höfðu gaman að þessu enda hef ég markvisst unnið með hópa og leikræna tjáningu. Kennarar fara oft einföldu leiðina, þ.e. kenna á bókina. Taka lesbók í íslensku og kenna hana frá A - Ö. Það eru ekki góðir kennsluhættir. Kennarar þurfa að hafa þor og dug að breyta til. Vinna með börnum, ekki messa yfir þeim. Börn eru yndislegir einstaklingar sem þarf að virkja og vinna með. Það býr svakalega mikið í æsku þessa lands og við megum ekki gleyma þeim. Þau verða svo útundan ef við ætlum að vinna svona mikið og fá nýjasta playstation leikinn sem barnapíu. Því segi ég að það býr mikið vit í litlum búk.
Lifið heil.

2002-12-05T16:45:00.000Z

hey
Af hverju kemur ekki ,,kommentakerfið" upp? Jói, HJÁLP........

2002-12-05T16:36:00.000Z

Hetjur þessa lands....
........eru tvímælalaus sjómennirnir okkar. Nú eru þeir í bræluskít út á Hala eða í lúðu út á Torgi, já, við ættum að hugsa til þeirra í þessu veðri. Það er ekki skemmtileg vinnuaðstaða þegar það gefur á bátinn, þá er oft erfitt og menn skapstyggir, en þeir eru að afla tekna fyrir þjóðarbúið og það er vel. Ég tek alltaf ofan fyrir sjómönnum þessa lands. Óþolandi að heyra menn sem aldrei hafa migið í saltan sjó segja að nú eigi að afnema sjómannaafsláttinn og sjómenn hafa svo góð laun. Málið er að þegar túrarnir eru góður kemur það í fjölmiðlum, en þegar lítið fiskast er ekki sagt orð um það. Dæmi: Frystitogarasjómaður sem á konu og 2 börn fer á sjó í byrjun september og það fiskast fyrir 70 milljónir og stímt í land í lok september. Þessi sjóari fær um 700.000 krónur í heildarlaun og þá á eftir að taka skatt. Sjóarinn fer á sjó í byrjun október og það fiskast illa og eingöngu tryggingin sem er borguð (trygging sjómanna er um 100000 krónur) og það er stímt í land í lok október. Síðan fer þessi sjóari í frí í byrjun nóvember (launalaust) og svo aftur út á sjó í byrjun desember. Kemur í land á Þorláksmessu. Þessi sjóari hefur því ekki haft laun í nóvember og desember.
Sjómenn þurfa að treysta á fiskinn og ef hann finnst ekki þá verður hart í ári. Ekki segja að sjómenn hafa svo góð laun, þeir hafa jú laun sem eru í lagi en ég er á því að laun sjómanna eiga að vera hærri. Þeir eru á sjó mánuðum saman frá fjölskyldum og vinum. Sjómenn eru hetjur þessa lands, það er engin spurning.

2002-12-05T16:27:00.000Z

Borg óttans
Reykjavík er í öskrandi vondu skapi í dag, leiðindar rigningarborgarveður, þung umferð, lélegt skyggni, pirrað fólk að flýta sér, holur í götum (R - listastjórn - fnusssss) og fleira. Það er ekki gaman að vera lítill og saklaus sveitastrákur í borg óttans þegar hún er í þessum ham. Mæli með því að fólk haldi sig innan dyra og hunsi þessa borg, allavega í dag. Hægt er að fara inn á þessa síðu til að fá kyrrð og frið. Takk fyrir.

2002-12-05T10:20:00.000Z

Vettvangsferðir
Þegar ég var í grunnskóla fannst mér alltaf gaman að fara eitthvað með bekknum, hvort sem það var í fjöruferð eða rútuferð á einhvern stað. Næstu daga verð ég á ferð og flugi með 7. og 5. bekk. Á morgun fer ég með 7.bekk í vettvangsferð í Morgunblaðið. Þar munu þau sjá hvernig fréttir verða til og prentsmiðjuna o.s.frv. Á mánudaginn fer ég með 5.bekk í sögusagnið í Perlunni, þar sem þau sjá vaxmyndir af landnámsmönnum og fleira. Ég mæli með þessu safni, endilega kíkja á það ef þið hafið tíma. Á miðvikudaginn fer ég síðan með 7.bekk í DV og þar sjáum við blaðamenn að störfum. Sem sagt, mikið að gera framundan.

2002-12-04T21:45:00.000Z

Hjalti Valþórs
Hjalti vinur minn úr MA er byrjaður að blogga.Því fagna ég og fleiri. Skemmtilegt að lesa hugleiðingar hans.

2002-12-04T21:33:00.000Z

Nýjar myndir
Það koma reglulega nýjar myndir inn á þessa síðu, myndir að úr skólalífinu, endilega kíkið á þær. Þessi mynd er af því þegar við gerðum okkur glaðan dag í tilefni 1.des. Ég er með Jóhönnu á háhest, hún er í 7.bekk V (mínum) og átti afmæli. Mér fannst tilvalið að henda henni á háhest og fá skólann til að syngja fyrir hana. Nemendur voru staddir í íþróttahúsinu í fjöldasöng. Það var ekki laust við að hún hafi farið pínu hjá sér enda athyglin á henni. Gaman að þessu, haaaaaaaaaa.

2002-12-04T21:28:00.000Z

Jólalagið í ár......
......er tvímælalaust lagið sem félagarnir á Kleifaberginu sendu frá sér fyrir þessi jól. Það er sí og æ verið að spila það í útvarpinu enda er textinn snilld. Textinn er gamantexti um sjómenn og jólaundirbúning en á ekki endilega við sjómenn. Lesið textann og syngið með (lagið - Meiri snjó)

Í friði og ró
Þegar líða fer að jólum
öll þjóðin er á hjólum,
líður mér best í ró
út á sjó, út á sjó, út á sjó.
Þegar konan þarf heima að vaka
við að skúra skrúbba og baka,
kúri ég sæll í ró
út á sjó, út á sjó, út á sjó.

Þegar kemur svo kall í land
hann vill að húsið sé komið í stand.
Allt sé búið – ei eftir neitt,
já, skínandi bónað og skreytt.
Svo þegar búið er skaupið
og þarf að taka niður skrautið,
verð ég kominn í frið og ró
út á sjó, út á sjó, út á sjó

2002-12-04T08:58:00.000Z

Föndur
Jæja, þá er komið að því, föndrið fyrir jólin að fara að byrja.Herlegheitin byrja í næstu viku og eins og þeir sem til mín þekkja hef ég nú ekki verið þekktur fyrir handlagni, en jæja, ég hlýt að klóra mig fram úr þessu. Nemendur eiga líka að skreyta stofuna og það verður samt stuð, ég kem með Elvis jóladisk og við hlustum á hann, hmmmm, er það áróður? Neineinei, sussum svei, Elvis er kóngurinn, það vita allir trallalalla. Skreytum hús með grænum greinum fallerallerafalleralla..................

2002-12-03T23:07:00.000Z

Changing Lanes
Fór með Jónasi vini mínum á stórfína kvikmynd í sambíóunum. Johnny vildi ekki fara á Harry Potter svo við skelltum okkur á Changing Lanes. Mæli með henni.

2002-12-03T12:38:00.000Z

Bíó
Ég ætla að fara á kvikmyndina Changing Lanes í kvöld. Hef fengið Jónas Pilot til að koma með mér. Mojo veit ekki enn hvort hann ætli að koma en ég plata hann með. Annars er langt síðan ég hef hitt pilotinn, það verður gaman að hitta hann loksins.

2002-12-03T12:37:00.000Z

Þá er það búið
Þá er ég búin í þessu prófi sem ég var að taka við HA en tók það í HÍ. hmmm, þ.e.a.s. próf frá HA en tók það í húsnæði HÍ, skiljanlegra? Það gekk þolanlega að ég held, 3 einingar þar og 3 einingar hér og fyrr en varir er þetta allt komið. Annars er afslöppun í dag hjá mér. Fékk frí í vinnunni og það er búið að vera erfið törn þannig að það er rólegt hjá mér. Skrepp í búð á eftir og kaupa mér jóladisk og svona. Anna mín er á fullu í lærdómnum, hún er svakalega samviskusöm enda einkunnirnar eftir því, go Anna.

2002-12-02T15:21:00.000Z

Jólalög
Nú eru jólalögin farin að hljóma um borg og bæ. Eitt nýtt lag var gefið út fyrir þessi jól. Að vísu er lagið ekki nýtt en textinn er það. Lagið er með áhöfninni á Kleifabergi frá Ólafsfirði. Endilega hlustið eftir þessu lagi, frábært lag og texti. Þeir selja þetta lag á geisladiski til styrktar Regnbogabörnum. Frábært framtak hjá þeim á Kleifabergi. Lagið heitir ,,Úti á sjó" og fjallar um það hvað sjómennirnir eru nú fegnir að missa af þessu jólastressi, koma í land á Þorláksmessu og fara á sjó 2. jan. Já, svona er sjómannslífið í dag.

2002-12-02T15:19:00.000Z

Piparkökur með rjóma
Þegar ég var lítill fór ég stundum í heimsókn til langömmu. Hún gerði ekkert smá góðar piparkökur. Hún hafði samt þann sið að þegar hún bauð uppá piparkökur hafði hún líka þeyttan rjóma með. Það er ekkert smá gott að setja rjóma ofan á piparkökur. Þið sem hafið ekki prófað það, endilega gerið það. Mæli með því. Smá jólaráð nú þegar það eru 22 dagar til jóla. Danke Schön.

2002-12-02T11:31:00.001Z

Heyrðu
Á ég ekki að vera að læra????????

2002-12-02T11:31:00.000Z

Sjóari
Atli Hafþórs stórvinur minn sendi mér meil í gær þar sem hann sagðist hafa fundið mig á blogginu. Ánægjulegt að hann lesi þetta reglulega. Hér með skora ég á Atla sjóara að byrja að blogga, ha. Gaman að því. ,,Sjómannslíf, sjómannslíf ástir og ævintýr...."

2002-12-01T22:07:00.000Z

Er líða fer að jólum, og hátíð fer í hönd......
Söng Ragnar Bjarnason hérna í gamla daga. Nú styttist í jólin og ég er búinn að fá jóladagatal. Mín heittelskaða keypti eitt slíkt fyrir mig. Það var lest í númer 1. Svaka spennandi að vita hvað er á morgun, ha. Ég sé að Gummi og Guðrún Birna eru búin að setja seríu, flott hjá þeim. Það verður lítið skreytt hér hjá okkur þar sem Anna er í prófum og ég á fullu í vinnu + eitt próf á þriðjudaginn. Svo fer Anna norður í kringum 12.des. og þá verð ég einn í kotinu og læt mér nægja að horfa á jólaljósin hjá hinum. Svo kemst ég í langþráð jólafrí 20.desember.
Í fyrsta skiptið mun ég ekki halda jólin heima hjá mömmu og pabba og systkinum. Ég verð með Önnu minni og sonum hennar. Ég er bara orðinn fullorðinn. Ég hlakka ekkert smá til. Nú kemur maður að jólunum frá öllum hliðum, það er breyting frá því að koma heim til mömmu og pabba og fá matinn á borðið og kökurnar og allt það. Nú bakar maður, planar mat og veislur, skrifar jólakort með öðrum, kaupir gjafir með öðrum og fleira og fleira. Já, það er ekki laust við að ég sé bara stoltur og sáttur með allt og alla. Ekki það að ég hafi ekki haft það frábært á jólunum heima, heldur tekur við nýr kafli í lífi Valda Víðis. Nýir og spennandi tímar framundan.
Lifið heil.

2002-12-01T22:00:00.000Z

Rökræður
Það er skemmtilegt að rökræða. Sérstaklega ef hluteigandi aðilar hafa góð rök fyrir sínu máli. Þá er skipst á skoðunum í mesta bróðerni. Ég er það heppinn að þetta á við um alla mína vini og kunningja.

2002-12-01T10:59:00.000Z

Fróðleikur á sunnudegi
Vissu þið.........
.........að fámennt var við stjórnarráðið þann 1.des. 1918 vegna veðurs og spænsku veikinnar?
.........að sumarið 1983 mætti fjöldi fólks fyrir utan Veðurstofu Íslands til að mótmæla vondu veðri (sennilega vinstri menn)?
.........að þegar lagið ,,Það er allt á floti" kom út var það bannað í útvarpi? Það þótti of dónalegt.
.........að við gengum í NATO árið 1949?
.........að 120000 manns sáu myndina ,,Með allt á hreinu" árið 1982?
.........að Leifur (ó)heppni Eiríksson Rauða fæddist á Vestfjörðum?
.........að það eru 23 dagar til jóla?

2002-12-01T10:52:00.000Z

Gleðilega hátíð
Þrefalt húrra fyrir Íslandi. Íslenska þjóðremban lengi lifi.

2002-11-30T18:52:00.000Z

Agaleysi
Guðmundur stórvinur minn vakti máls á agaleysi barna á bloggíðu sinni. Ég er að mörgu leyti sammála honum um það að agaleysi er mikið en ég er ekki sammála honum hvernig best sé að taka á því. En hverjum er þetta agaleysi að kenna? Sumir segja skólunum og aðrir segja heimilunum. Ég hallast að þessu síðarnefnda. Í dag fá börn svakalega mikið upp í hendurnar. Áreitið frá umhverfinu er geysilega mikið og því miður hafa foreldrar sofnað á verðinum. Égvilégvilégvilégvilégvil fá svona og svona og þetta því þessi á svona o.s.frv. Sem kennari verð ég var við mikið agaleysi. Ég vinn markvisst í þeim málum en nota ekki aðferðir sem Guðmundur vill nota. Ég er ekki á því að það sé heraginn sem dugar, aftur á móti er ég á því að umræður um málið og samtalsaðferðir duga mun betur. Ef nemandi er með læti og er að trufla kennslu á ekki að skamma hann eða hunsa hann, heldur á að spyrja nemandann hvað sé hans hlutverk. Er það hans hlutverk að vera með læti þegar aðrir eru að vinna vinnuna sína? Er það hans hlutverk að trufla kennslu? o.s.frv. Þetta gefst vel og með þessu er ekki gert lítið úr nemendum, eingöngu leiðbeint á rétta braut.
Umræður um virðingu og tillitsemi skila líka árangri hvað varðar agaleysi. Heraginn leysir ekki vandann, það ýtir vandanum á undan sér. Um leið og nemendur komast út tekur við sama agaleysið.
Metnaðarleysi barna er líka áhyggjuefni. Mörgum nemendum er sama um allt og alla. Til að vinna á þeim vanda þarf að finna sterku hliðar þessara nemenda og vinna markvisst með það. Sumir eru ekki góðir í stærðfræði og alveg sama þó svo að þeir gera ekki heima eða fá lágar einkunnir. En þessir sumir eru sterkir í öðru sem þarf að nýta og virkja og um leið og það er gert kemur upp metnaður fyrir námi. Lykillinn að skapandi og skemmtilegu skólastarfi eru fjölbreyttar kennsluaðferðir, leyfa börnunum að njóta sín, ekki hefta þau niður. Með því hverfur agaleysið. Nemendum hlakkar til að koma í skólann og líður vel. Með heraga heftum við sköpunargleði barna.
Lifið heil.

2002-11-30T17:54:00.000Z

Próf
Það gengur ekki alveg nógu vel að lesa undir prófið sem ég er að fara í á þriðjudaginn. Svei mér þá.

2002-11-30T17:53:00.000Z

DVD vs VHS
Í gærkvöldi kom Jóhann í heimsókn til mín og Önnu. Meðferðis hafði hann Playstation 2 leikjatölvuna. Ástæða? Við félagarnir ætluðum að horfa á Star Wars - Episode 2. Eins og flestir vita er DVD spilari í þessum leikjatölvum. Tölvan var tengd og allt gott um það að segja. Nema, gæðin í DVD eru svo mikið mikið betri heldur en í VHS að ég skammaðist mín pínu fyrir þetta skíta myndbandstæki sem ég á. Það var bara eins og við værum staddir í Star Wars.
Ég er á því að ég ætla mér að kaupa DVD sem fyrst, það er allt annað líf að horfa á bíómyndir, svo skýrt og flott. Skýrara en sjónvarpið. DVD er málið.............

2002-11-29T18:15:00.000Z

Linkar
Enn bætast við linkar hjá mér. Rebekka Jóelsdóttir er frá Country bænum Skagaströnd og ég hef gaman af því að lesa hugleiðingar hennar og því set ég hana á listann.

2002-11-29T18:12:00.000Z

Gsm
Ég er nánast hættur að brúka gsm símann. Betra að nota heimasímann. GSM er yfirleitt á silent eða þá að það er slökkt á honum. Þið sem eruð orðin pirruð á því að ná ekki á mig í gsm ættu að prófa heimasímann. Hann er 5904121. Má kannski ekki segja það á netinu? Jújú.

2002-11-29T16:56:00.000Z

Komið í ljós
Særún María er gamall MA - ingur og bloggari. Ég bæti henni á linklistann minn. Hún benti mér á það að þessi maður gagnrýndi áfengsital mitt þar sem ég er kennari. Hugsa að þetta hafi verið sett fram í gríni hjá honum, allavega vona ég það.

2002-11-29T16:07:00.000Z

Kynningar
Nú þegar styttist í jólin fara fyrirtækin að kynna sínar vörur sem aldrei fyrr. Ég fór ásamt minni heittelskuðu Önnu í Hagkaup í Skeifunni í dag. Gengum inn og þar sem ég vill prófa allt nýtt ákvað ég nú að smakka á öllu sem var verið að kynna. Anna segir að ég gleypi auglýsingar alveg hráar og lifi pínu eftir þeim, það getur verið pínu til í því. Allavega:
a) Kynning á kjúklingabollum og sollis, alveg stórfínt.
b) Kynning á birkireyktu hangikjöti, mjög gott.
c) Kynning á kexi og Philadelphiu rjómaosti, þokkalegt.
d) Kynning á grjónagraut sem er tilbúin á 5 mín, mjög sniðugt sko.
e) Kynning á samlokubrauði, venjulegt bara.
f) Kynning á Leppin, allt í lagi.
g) Kynning á piparkökum...........
Allt þetta var kynnt í Hagkaup í dag og á eftir að aukast. Maður ætti að nýta sér þetta ef maður er svangur og fara út að borða í stórmarkaði, svona hér um bil allavega.

2002-11-29T13:36:00.000Z

Bond, James Bond
20. myndin um James Bond, Die Another Day, verður frumsýnd í dag. Ég er mjög spenntur fyrir henni enda mikill Bondaðdáandi. Ég er á því að Írinn Pierce Brosnan er besti Bondinn. Það er enginn spurning. Svo eru menn að tala um að Tom Hanks eða Robbie Williams eigi að taka við, come on. Það færi nú með Bondinn. Ekki það að Tom Hanks sé slæmur leikari, langt í frá, hann er bara ekki Bond, og hvað þá Robbie Williams. En svona er mín röð af Bondum:
1. Pierce Brosnan
2.Roger Moore
3.Timothy Dalton
4.Sean Connery
5.George Lazenby

2002-11-29T13:32:00.000Z

Morgunútvarpið á Rás 2
Rás 2 tjaldar til landsliðinu í morgunútvarpinu sínu frá 07:00 - 09:00. Í þessu landsliði útvarpsmanna eru m.a. Magnús R.Einarsson og Gestur Einar Jónasson. Þessi þáttur er frábær, svo einlægur og æðislegur. Það er verið að taka á málum líðandi stundar á mjög opin og skemmtilegan hátt. Í morgun var Tryggvi Gíslason skólameistari MA í viðtali. Hann var ekki í viðtali til að tala um skólamál, heldur James Bond. Viðtalið var gargandi snilld. Tryggvi er hafsjór upplýsinga um Bond og mikill Bondaðdáandi. Morgunútvarpið tekur á alvarlegum málum, léttum málum og allt þar á milli. Ég hvet ykkur til að hlusta á þennan þátt, alveg einstaklega vel heppnaður.

2002-11-29T12:19:00.000Z

Úff
Þá er þessi dagur búinn, allavega með börnunum. Það var hátíðarhöld út af 1.des og það var bara gaman en mikið tekið á. VIð fórum í ratleik, dönsuðum, fórum á tónleika, hlustuðum á samtímalýsingu frá 1.des 1918 og fleira. Fínn, skemmtilegur en erfiður skóladagur að baki. Nú þarf maður bara að hella sér í lærdóminn. Vona að ég hafi tíma til að horfa á vídeó með Mojo. Vill að við horfum á Star Wars - Episode 2. Ég á eftir að sjá hana.
p.s. Jónas, ég mæli ekki vini mína í röðum. ha, þú ert í innsta hring vina, ekki satt? Verðum samt að fara að hittast við tækifæri.....Þegar við höfum tíma.

2002-11-29T08:09:00.000Z

Einkennilegt
Einkennilegt þetta komment sem ég fékk um síðustu færslu mína. Það mætti halda að sá/sú sem kommentar þar haldi að ég sé að halda einhverjum ósóma að börnunum. Ætla nú ekki einu sinni að rökræða við svona fólk. Má maður ekki segja sína meiningu, á ég að hætta að blogga því ég er kennari? Átta mig ekki á þessu því að síðasta færsla er langt í frá að vera meiðandi.

2002-11-28T22:11:00.000Z

Vodki, romm og annað góðgæti
Ég trúi þessu ekki. Nú ætla vinir mínir á hinu háa Alþingi að hækka verðið á sterku víni um 10%. Það er ekkert smá. Koskenkorva Vodkinn var ódýr en verður nú dýr, það er ekki nógu gott. Vér mótmælum allir. Ekki ætla ég nú að fara í rauðvínssullið, ha. Ég er ekki ánægður. Bévítans, bévítans bara.........

2002-11-28T21:16:00.000Z

5.bekkur
Ég er að kenna 5.bekk sögu og það er bara mjög fínt. Þau eru að læra um landnámsmenn og þetta eru svo mikil krútt. Í dag voru þau í hlutverkaleik og léku landnámsmenn og þau fóru á kostum. Það býr svakalega mikið í æsku þessa lands sem þarf að nýta, ekki drepa þau með bókum og einstaklingsvinnu, samvinna og leikræn tjáning er lykillinn að mínu mati. Þegar ég verð menntamálaráðherra mun ég setja leiklist í námskrá leikskóla og hana nú. Ég tek mér það Bessaleyfi (þó ekki Bessa Bjarna) að segja það að samvinna er lykill af velgengni í skóla, vinnumarkaðinum, fjölskyldulífinu og allsstaðar.

2002-11-28T21:13:00.000Z

Fullveldisdagurinn
Enn ætla ég að þusa um fullveldið og langar að segja ykkur nokkrar staðreyndir um þennan dag 1.desember árið 1918.
a) Það mættu ekki margir fyrir framan stjórnarráðið því að spænska veikin geysaði á Íslandi.
b) Spænska veikin lagði rúmlega 500 Íslendinga að velli.
c) 1.des var vont veður í RVK.
d) Efir að fánahylling hafði átt sér stað sungu gestir danska konungssönginn.
e) Eftir það var kallað þrefalt húrra fyrir Danakonungi (hhhmmmm).

2002-11-28T21:08:00.000Z

Furðulegt
Ég er að reyna að taka til á þessu bloggi en þetta kemur svolítið furðulega út. Ég var að vina að það væri ekki þetta BIL á milli fyrirsagna og ,,vina". Vona að Mojo vinur minn lagi þetta. En þetta er allavega snyrtilegra svona er það ekki?

2002-11-28T17:55:00.000Z

Bekkjarkvöld
7. bekkur V (minn bekkur) og 7.bekkur E ætla að hittast í skólanum á eftir og horfa á vídeó og panta pizzu. Þau fara að koma. Best að drífa sig og taka á móti krökkunum mínum. Já ég segi mínum, ég er farinn að taka þau pínu inn á mig, ég á svolítið í þeim. Vill fylgjast með þeim og vona að þeim gangi vel. Starf kennarans fer líka út í starf sálfræðings og ráðgjafa, en samt erum við á lágum launum (eina ferðina enn kem ég að því). Þetta eru æðislegir krakkar.

2002-11-28T16:19:00.000Z

Bush
Jóhann Þórsson vinur minn er sí og æ að tala um hvað Bush sé heimskur. Ég er því algjörlega ósammála, þar að auki finnst mér ,,barnalegt" að taka svona til orða. Þeir þjóðarleiðtogar sem hafa hitt hann, Davíð Oddsonn þar á meðal, bera honum vel söguna. Segja að hann sé vel með á nótunum hvað er að gerast í kringum hann. Auðvitað mismælir hann sig oft á tíðum en það er bara eðlilegt. Bush var ríkisstjóri í Texas í 8 ár og skilaði því með sóma. Það getur vel verið að hann sé ekki með allt á hreinu hvað varðar ummheiminn en hvað er ummheimurinn? Lítum á USA. Í Bandaríkjunum eru 50 fylki og hvert fylki hefur sinn fylkisstjóra. Þessi fylkisstjóri er nokkurs konar forseti í sínu ,,landi". Hvert fylki hefur sín lög o.s.frv. Við getum líkt USA við Evrópu, þar eru mörg lönd með mismunandi þjóðarleiðtoga og lög. Við vitum mikið um okkar land og það sem er að gerast í fréttum og hin meðal Kani veit mikið um sitt fylki og sitthvað sem er að gerast annarsstaðar. Getum við sagt hvaða er stærsra borgin í UTAH? Einhverjir geta það en mjög fáir. Þess vegna er ósanngjarnt að tala um það að Bandaríkjamenn séu heimskir þó svo að þeir viti ekki hvar Madrid er o.s.frv. Bush er bara hin meðal Kani (af góðum ættum og ríkur en látum það liggja milli hluta) sem varð forseti USA. Hann hefur verið að skila sínu verki með sóma. Það er ekki sí og æ hægt að vitna í rithöfunda sem eru á móti Bush. Hvað með þá rithöfunda sem eru honum hliðhollir, það er ekkert talað um það.

2002-11-28T10:32:00.000Z

Jæja, þá er það teljarinn
Prófa að setja svona teljara á síðuna og athuga svona hvernig það kemur út. Ha, þið verðið að vera dugleg að heimsækja síðuna mína svo að teljarinn fari uppuppuppupp ha..................

2002-11-28T10:18:00.000Z

Fullveldi
Ísland varð frjálst og fullvalda ríki í konungssambandi við Danmörku þann 1.desember árið 1918. Við höldum uppá 1.des á morgun. Ég ætla að lesa samtímalýsingu á þessum atburðum fyrir nemendur og láta þau síðan túlka þessa atburði með leikrænni tjáningu. Þau hafa gaman að því. Er það ekki?

2002-11-27T18:39:00.000Z

,,leiðrétt"
Undir NATO hugleiðingum mínum setti ég fána sem er ekki hin opinberi fáni NATO. Setti fána UN inn en kippti honum út vegna athugasemda. Allavega er þetta hin opinberi fáni NATO þó svo að þeir noti fána UN á stundum.

2002-11-27T15:12:00.000Z

Nei nei Ása, NEI
Hún Ása eðalbloggari, bekkjarsystir og vinkona hefur tjáð sig á athugasemdarkerfniu og tjáð sig um laun kennara. Það er rétt hjá henni að margir í þjóðfélaginu hafi lág laun en það er ekki rétt hjá henni að kennarar hafa ekki lág laun eins og hún vill halda fram. Leikskóla - og grunnskólakennarar eru láglaunastétt. Ég hlýt að vita um hvað ég er að tala enda starfa ég sem grunnskólakennari. Að baki þess að vera grunnskólakennari liggur stúdentspróf og háskólanám, því er eðlileg krafa að kennarar séu með nokkuð há laun. Þeir sem starfa á bak við búðarkassa þurfa ekki til þess neina sérstaka menntun og eiga því ekki að vera í sama flokki og kennarar. Ég er ekki að segja að búðarfólk eigi að vera á lágum launum, auðvitað eiga allir að hana fín laun en kennarar ættu að vera með há laun. Að loknu námi tekur við gefandi og skemmtileg vinna og kennarar þurfa sífellt að sækja námskeið til að byggja ofan á þekkingu sína. Það er slítandi starf að vera kennari og mikið starf. Vinnutíminn er langur. Það er ekki þannig að við kennarar förum heim á sama tíma og börnin, þá þarf að skipuleggja, fara á fundi, fara yfir verkefni, búa til verkefni o.s.frv. Lágmarkslaun kennara eiga að vera í kringum 200000 krónur, það er lágmarkið að mínu mati. Kennarar eru með LÁG laun. Því þarf að breyta.

2002-11-27T14:24:00.000Z

Sniðugt.........
............þetta athugarsemdarkerfi, menn og konur, stelpur og strákar, afar og ömmur, pabbar og mömmur, frænkur og frændur og allt þar á milli geta þá tjáð sig á síðunni minni, gaman að því.

2002-11-27T14:23:00.000Z

Erfiður dagur
Þemavika er erfið en skemmtileg. Það er mikið líf í krökkunum og það gengur mikið á og það er gaman. Ég fór líka með þau í nokkra hópleiki með söng og hópefli, það var mjög gaman. En það gerir það að verkum að ég er úrvinda en þarf að fara heim um 16:30 og þá tekur lærdómurinn við. Já, svona er líf kennarans. Gefandi en skemmtilegt. Synd hvað kennarar eru með lág laun, til skammar alveg hreint. Hærri laun kennara og það strax..........

2002-11-27T09:04:00.000Z

1.des
Hátíðarhöld vegna fullveldisdagsins verða hér í Álftanesskóla á föstudaginn. 1.des. er því haldin hátíðlegur 29.nóvember, skemmtilegt. Sama tíma og árshátíð MA fer fram. Ekki alveg á sama tíma, en sama dag allavega. Málið er samt að ég þarf að gera þjóðrembuverkefni með bekknum um morguninn í rúman klukkutíma og ég er eiginlega tóm tunna í því máli, þ.e.a.s. ég hef ekki hugmynd um hvað ég á að gera með þeim. Einhverjar tillögur?????

2002-11-27T08:59:00.000Z

NATO
Hinir ,,meintu herflutningar" íslenskra flugfélaga fyrir NATO hafa verið milli tannanna á fólki síðustu dag. Það er merkilegt hvað umræðan er á lágu plani og það er stjórnarandstöðinni með Ástþór nokkurn Magnússon fremstan í flokki fyrir að þakka. Það er deginum ljósara og hefur komið fram hjá Flugleiðum og utanríkisráðuneytinu að við erum ekki að fara að flytja hermenn að vopn í farþegaflugvélum. Það er líka svo mikil fjarstæða að láta sér detta það í hug. Þessar 300 milljónir fara í flutning á gögnum eftir að stríðið (ef það verður) er um garð gengið, hjálpargögn og þess háttar. Það er bara tilfellið að VG er á móti NATO og reyna að gera allt til að koma óorði á þessi samtök. Við erum í þessum samtökum og þurfum auðvitað að taka þátt, það er þannig með öll samtök. Við erum ekki sú aðildarþjóð sem leggur ekkert af mörkum. Þessar 300 milljónir er örlítið brot af því sem aðrar þjóðir eru að borga. Steingrímur Sigfússon og Einar K. Guðfinnsson voru í Kastljósi í gær að ræða þetta mál. Undir lok þáttarins var Steingrímur komin í vörn og farin að þvæla um veru okkar í NATO og þróunaraðstoð, en þeir voru ekki boðaðir í þáttinn til að ræða það. Já, svona er Ísland í dag, hin loftlausa stjórnarandstaða er að róa lífróðurinn til að reyna að hífa fylgið sitt örlítið upp.

2002-11-26T18:58:00.000Z

Comment

Koma komment hjá mér?

2002-11-26T17:29:00.000Z

Mojo
Mojo er vinur minn og Önnu. Svalur gæi frá Keflavík og útlandinu. Hann hefur gaman af Hringadróttinssögu og Geimstríði. Ég var að velta því fyrir mér hvort þessi svali gæi getur sett svona athugasemdarkerfi og teljara á síðuna mína, haa. Hann er sko minn tölvutöffari.

2002-11-26T17:20:00.000Z

Nemendur hafa alltaf rétt fyrir sér?????
Í grunnskólum landsins virðist sú regla sem er við gildi í verslunum að viðskiptavinurinn hafi alltaf rétt fyrir sér verið útfærð þannig að nemandinn hafi alltaf rétt fyrir sér. Í dag má afskaplega lítið segja við börnin af ótta við að segja eitthvað vitlaust. Ég læt mína nemendur ekki vaða uppi með yfirgang og frekju. Ég vinn með þeim en ekki á móti þeim. Kennari þarf að passa sig að segja ekki einhverja vitleysu og alls ekki koma við nemendur. Nú er ég ekki að tala um að refsa nemendum heldur bara létt klapp á öxlina, til að hrósa eða styðja. ,,Tendensinn" er sá að því fjarlægari sem kennari er því betra. Ég er ekki á því. Ég lít á minn 7.bekk sem mína krakka og vill að þau standi sig. Ég er ekki í uppeldisthlutverki heldur í hlutverki kennara. Það er stór munur þar á. Agaleysi er mikið í grunnskólum landsins og það tel ég vera vegna aukinnar undanlátssemi kennara. Kennarar þora ekkert að segja því ekki vilja þeir fá foreldra og nemendur á móti sér. Agaleysi í skólum er oft á tíðum vegna agaleysis heimafyrir. Börn fá ALLT nú til dags. Þeim er refsað með gjöfum. Það er að segja þau fá t.a.m. playstationleik ef þau verða góð. Svo verða þau góð og fá leikinn en nokkrum dögum seinna verða þau óþekk svo að foreldrar geti sagt: ,,Ef þú verður góð/ur færðu tölvuleik" o.s.frv. Þetta er fáránlegur vítahringur. En svona eru mínar hugleiðingar þennan ágæta þriðjudag.
Lifið heil.

2002-11-26T08:06:00.000Z

Jóladagatal
Hvernig er það eiginlega, ganga Lionsmenn ekki í hús og selja jóladagatöl? Nú fer að líða að 1.des og mig vantar dagatal, þetta gengur ekki................

2002-11-25T17:51:00.000Z

The Shipping News
Þó svo að það sé mikið að gera er ég enn á fullu í kvikmyndum enda eitt af mínum áhugamálum. Ég hef lagt það í vana minn á þessu bloggi að tala um áhugaverðar kvikmyndir sem ég ÆTLAST til að þið sjáið. Ég vona að þið hafið farið að mínum ráðum og séð Das Experiment í bíó. Allavega, í gærkvöldi kom ég mér vel fyrir ásamt Önnu minni uppi í sófa og horfði að kvikmyndina The Shipping News með Kevin Spacey. Hér er á ferðinni fyrirtaks drama. Landslagið í myndinni í myndinni er stórbrotið, hefði allt eins getað verið tekin hér á Íslandi. Allavega mæli ég með þessari mynd. Fínasta mynd svona í skammdeginu.

2002-11-25T17:18:00.000Z

Álag
Það er mikið álag á okkur skötuhjúum þessa dagana. Það er alltaf mikið að gera í grunnskólum þegar jólin nálgast + ég þarf að taka eitt próf. Anna mín er á 3.ári í sálfræði og próf og skil verkefna hellast yfir hana eins og steypiregn þannig að það er mikill álagstími framundan. Það verður ljúft að komast í jólafrí. ,,Er líða fer að jólum....." söng Ragnar Bjarnason í gamla daga.

2002-11-25T10:53:00.000Z

Þemavinna
Nemendum finnst alltaf gaman þegar hefðbundið skólastarf er brotið upp með þemavinnu. Í þessari viku eru nemendur í 7.bekk að vinna með dagblöð. Allir nemendur er áskrifendur og fá send DV og Moggann. Svo vinnum við með blöðin, klippum og límum, skrifum og tölum. Mikið líf, það er nú gaman að þessu, ha.

2002-11-24T14:07:00.000Z

Bolvíkingar
Enn bætast Bolvíkingar í bloggheiminn, nú eru það Anna Sigga (bekkjarsystir mín frá því í grunnskóla) og Baldur hinn blái (sjálfstæðismaður) sem hafa bæst í hópinn. Ég fagna því. Best að linka á þau.

2002-11-24T14:00:00.000Z

Fróðleikur á sunnudegi
Nú er komið að hinum sívinsæla þætti á Valdabloggi - fróðleikur á sunnudegi.
Vissu þið........
...........að Eiríkur Rauði var pabbi Leifs (ó)heppna?
...........að hljómsveitin Lúdó og Stefán hét einu sinni Plútó?
...........að þjóðfundurinn var 1851 - Vér mótmælum allir - ?
...........að Elvis Presley var tvíburi?
...........að stórsöngvarinn Alfreð Clausen lést árið 1980?
...........að Heimastjórnarflokkurinn fékk 5333 atkvæði í kosningunum 21.október árið 1916?
...........að Geir Vídalín var biskup árin 1801 - 1823?
...........að Kristján X var síðasti konungur yfir Íslandi?

2002-11-24T13:54:00.000Z

Laugardagskvöld
Ég og hún Anna mín fórum í smá partý í gærkvöldi, það var alveg stórfínt. Við ætluðum svo í bæinn að hitta Jóhann stórvin okkar en því miður varð ekkert úr því, alveg er maður voðalega lélegur að fara í bæinn. Þessi miðbær hefur voða lítið aðdráttarafl að mínu mati, hef miklu meira gaman að því að sitja í heimahúsi í góðra vina hópi.
Guðmundur vinur minn Sveinsson sendi mér sms í gærkvöldi og hringdi ég í hann. Ég talaði við Gumma, Hjalta og Marinó og við ákváðum allir að á næstu önn ætluðum við að hafa karlakvöld með dinner og tilheyrandi, vona ég að það geti orðið að veruleika. Blöndum okkur Castro Cola og höfum það gott.

2002-11-23T18:10:00.000Z

Bush og Davíð
George W. Bush og Davíð Oddsson voru á leiðtogafundinum í Prag. Það er mynd af þeim utan á föstudagsmogganum. Þeir þyrftu bara að haldast í hendur vinirinir, ég mundi allavega teygja mig í höndina á Bush og síðan í höndina á Davíð og standa á milli þeirra, það væri nú gaman að því.

2002-11-23T18:05:00.000Z

Út á lífið
Það er nú ekki oft sem ég kíki út á lífið núna síðustu mánuði, hef minnkað það mikið og það er af hinu góða. Ég og Anna mín ætlum að gera okkur glaðan dag og kíkja aðeins út. Það verður væntanlega öl við hönd, ég hef nú gaman að því að fá mér aðeins, ha, það er gaaaaammmmmaaaaaaannnnnn að þessu :)

2002-11-23T18:03:00.000Z

Gnerrenburg
Ég er yfirleitt með þeim fyrstu til að fagna því þegar nýtt íslenskt sjónvarpsefni kemur fram á sjónarsviðið. Gnarrenburg er nýr íslenskur þáttur sem Stöð 2 sýnir á föstudagskvöldum. Þessir þættir eru hreint og beint RUSL. Þvílíkan ófögnuð hef ég aldrei séð í sjónvarpi. Jón Gnarr er ágætur skemmtikraftur en hann getur ekki stjórnað sjónvarpsþætti. Ég veit að þetta er svo sem ómálefnalegt hjá mér en mér er sama, verð að fá að tala út um þennan þáttarviðbjóð sem sýndur er í íslensku sjónvarpi. Veit um dæmi þess að menn hafa hringt upp á Stöð 2 til að skamma liðið, ha. Þennan þátt þarf að taka af dagskrá og það sem fyrst, í guðana bænum.

2002-11-22T13:07:00.000Z

Enska
Ég hef alltaf talið mig þokkalegan í því að skilja ensku og skrifa hana en ég er pínu óöruggur að tala hana. Einhver lenska hjá mér. En nú er ég með 7.bekk í átaki í ensku, þau eiga bara að tala ensku í tímum, svipað og Ólafur Rafn gerði í MA, en málið er það að ég er pínu óöruggur, þarf að æfa mig. Er þá rangt að fara í svona átak? Hvað get ég þá gert? Ha, en þau taka þessu vel og þetta gengur þokkalega, svo þarf tíminn bara að leiða þetta í ljós.

2002-11-21T22:55:00.000Z

Das Experiment
Það er ekki á hverju kvöldi sem ég fer á ÞÝSKA mynd í bíó en það gerðist í kvöld. Ég fór ásamt Önnu minni á kvikmyndina Das Experiment í Háskólabíó. Ég á eiginlega engin orð til að lýsa þessari mynd, hún er það ROSALEG. Þið sem farið ekki oft í bíó en langar að sjá virkilega átakalega og góða mynd, farið á Das Experiment í Háskólabíói. Hún er eiginlega ekki fyrir viðkvæma því spennan er hreint og beint ótrúleg, eins og Anna sagði:,,Ég verð með strengi í maganum á morgun".

2002-11-21T19:03:00.000Z

Bekkurinn
Þetta er 7.bekkur V - bekkurinn sem ég er að kenna í Álftanesskóla. Ég er líka á þessari mynd, sko, þarna er ég, haaaaa.

2002-11-21T18:57:00.000Z

Kennarinn
Eins og flestir vita er ég að læra að verða kennari. Ég hef mjög gaman að því að vinna með börnum, það er afskaplega gefandi og skemmtilegt starf. Það er enginn dagur eins. Um daginn héldum við uppá dag íslenkskrar tungu. Hægt er að skoða myndir frá því hér og hvet ég ykkur til að kíkja á það :)

2002-11-21T10:38:00.000Z

Vídeó og fínerí
Ég hef minnkað gsm notkun mína um allavega helming síðan ég flutti hingað suður. Ég er sjaldan með kveikt á símanum og þegar ég með kveikt þá er ég með hann á silent. Þar af leiðandi sá ég ekki sms skilaboð frá honum Jóhanni vini mínum þar sem hann var að mælast til þess að ég og Anna kæmum í vídeó. Við verðum að eiga það inni, en það er samt visst frelsi að minnka gsm notkunina. Hefði þó gjarnan vilja sjá þessi skilaboð. Eins hringdi Guðmundur Sveinsson stórskáti og vinur minn í mig á miðvikudagskvöldið en þar sem síminn var á silent sá ég það ekki fyrr en daginn eftir. Svona er þetta nú, erfitt að ná í kennarann.

2002-11-20T17:06:00.000Z

Jónas Thorlacius
Það er langt síðan ég hef hitt hann Jónas og sennilega er það nú mér að kenna, mikið að gera í vinnunni og skólanum, gef mér of lítin tíma fyrir vinina og það er synd. Þarf að fara að bæta úr þessu. Sama gildir um: Jóa, Geira, illmennið, Stjána, Erlu, Einsa Konn (æskuvinur sko) og fleiri. Verð að fara að gera eitthvað í þessu, gengur ekki sko......

2002-11-20T17:04:00.000Z

Heimsókn
Ég og Anna virðumst ekki vera velkomin í heimsókn til hans Jóhanns þar sem þarf víst að sína einhvern passa, ekki sáttur við það. Annars skil ég ekki alveg hvað hann Mojo vinur minn er að meina með þessu bulli um eitthvað Pálmaristan eða hvað hann kallar það. Vona að hann skýri það á blogginu sínu.

2002-11-20T14:18:00.000Z

Hlaup og hlaup og hlaup og.........
Í morgun var Norræna skólahlaupið hérna í Álftanesskóla í grenjandi rigningu og roki. Við kennarar áttum að taka þátt og kennarinn frá Bolungarvík var nú bara í gallabuxum og strigaskóm, þunnum bol og jakka, ekki alveg að klæða sig eftir veðri. Ég lét mig nú hafa það að ganga einn hring um 2,5 kílómetra og var ekkert smá stoltur af afrekinu, en lungað úr mínum bekk hljóp 2 - 4 hringi, og þá tala ég um að hlaupa. Ég hálfskammaðist mín, þetta eru kannski merki þess að ég þurfi að koma mér í betra form, já seisei.

2002-11-19T17:32:00.000Z

Linkar
Þóra og Auður hafa bæst í hóp bloggara, gott mál :).